Bemarking-, kommunikasie- en kultuurkoördineerder – Kontrakpos

Constantiakruin-gemeente, ’n dinamiese geloofsgemeenskap aan die Wesrand, is op soek na ’n BEMARKING-, KOMMUNIKASIE- EN KULTUURKOÖRDINEERDER wat bemarking, gemeentelike kommunikasie en fondsinsameling kan integreer om ’n inklusiewe, lewende gemeentekultuur te help vestig én finansiële volhoubaarheid te ondersteun.

Hierdie tweejaarkontrakpos is ’n unieke geleentheid vir iemand wat die passie het vir gemeenskapsontwikkeling, strategiese bemarking en die bou van ’n volhoubare toekoms vir ons gemeente.

HOOFDOEL VAN DIE POS:

Hierdie rol fokus op drie kerngebiede:

1. Interne kommunikasie en kultuurontwikkeling.
2. Eksterne bemarking en gemeenskapskakeling.
3. Fondsinsameling en projekkoördinering.

Die suksesvolle kandidaat sal saam met die leierskapspan werk om ’n sterk kultuur van deelname, verbondenheid en gemeenskap te bevorder, beide binne die gemeente en in die breër gemeenskap.

KERNVERANTWOORDELIKHEDE:

1. Interne kommunikasie en kultuur

• Bou en versterk ’n kultuur van betrokkenheid en gedeelde roeping onder lidmate.
• Ontwikkel strategieë vir lidmaatbetrokkenheid deur middel van digitale kommunikasie en die vestiging van ’n CRM-stelsel.
• Vestig platforms vir onderlinge kommunikasie, insluitend nuusbriewe en sosiale kanale.

2. Eksterne bemarking en gemeenskapskakeling

• Beplan, organiseer en bemark geleenthede soos die Winter-koorfees en kermis.
• Bou verhoudings met gemeenskapsrolspelers en ander geloofsgemeenskappe.
• Posisioneer Constantiakruin as ’n verwelkomende en dinamiese geloofsgemeenskap.

3. Fondsinsameling en projekte

• Inisieer en bestuur fondsinsamelings- en ondersteuningsprojekte.
• Ontwikkel strategieë vir volhoubare finansiële ondersteuning.
• Monitor impak en lewer insette vir toekomstige groei.

SLEUTELPRESTASIE-AANWYSERS (KPI’s):

• Suksesvolle implementering van die CRM vir geteikende kommunikasie.
• Bereiking van fondsinsamelingsteikens vir beide kontrakjare.
• Verbetering van interne en eksterne kommunikasiekanale.
• Innovasies in lidmaatbetrokkenheid en vennootskappe.

IDEALE KANDIDAAT BESKIK OOR:

• Ervaring in bemarking, kommunikasie, projekbestuur of fondsinsameling.
• Vaardigheid in CRM-stelsels en digitale kommunikasieplatforms.
• Sterk sosiale en kommunikasievaardighede, met ’n passie vir mense.
• ’n Kreatiewe, strategiese ingesteldheid en die vermoë om onafhanklik te werk.
• Inisiatief en organisatoriese vaardighede in ’n nie-winsgewende konteks

KONTRAKBEPALINGS:

• Tydperk: twee jaar (hernubaar).
• Werkplek: Kantoor by Constantiakruin (met moontlikheid van buigsame werksure).
• Rapporteer aan: Gemeenteraad / Uitvoerende Voorsitter.
• Aanvangsdatum: So gou moontlik / onderhandelbaar.
• Vergoedingspakket: Vergoedingspakket is onderhandelbaar aan die hand van relevante kwalifikasies en bewese ondervinding.

STUUR JOU AANSOEK:

Stuur jou CV en motiveringsbrief na: info@constantiakruin.co.za

Sluitingsdatum vir aansoeke: 30 Augustus 2025.

Let wel: Constantiakruin-gemeente verwelkom aansoeke van individue uit verskeie agtergronde en strewes – ons glo dat diversiteit ons gemeenskap verryk.