Vakature: Jeugwerker – een jaar-pos
Sluitingsdatum vir aansoeke: 26 Oktober 2018.

Die NG gemeente Lichtenburg is op soek na ’n energieke persoon met ’n sterk roeping ten opsigte van kinder- en jeugbediening om as jeugwerker aan te stel vir ’n termyn van minstens een jaar. Die suksesvolle kandidaat sal verantwoordelik wees vir die organise­ring van die kinder- en jeugbediening van alle skoolgaande asook naskoolse jeug in die gemeente, onder leiding en in oorleg met die leraar.

Die pligte behels onder andere:

• Aanbied en koördinering van kategese en kinderkerk.
• Ontwikkeling en vestiging van ’n kinderkrans vir laerskoolse jeug, ’n tienerbediening vir hoërskoolse jeug en ’n volwasse jeugbediening vir naskoolse jong mense in die gemeente.
• Bou van verhoudings met kinders en jongmense in die gemeente wat onder andere huisbesoeke sal insluit.
• Blootstelling van die jeug van die gemeente aan uitreike en diensbaarheidsaksies.
• Reël en aanbied van kampe.
• Opleiding en ondersteuning van medewerkers en helpers vir die onderskeie jeugbedieninge.
• Alle verwante take.

Posvereistes:

Persone wat oor die volgende vereistes beskik kan aansoek doen om die pos te vul:

• ’n Passie vir God en ’n hart vir jongmense.
• ’n Lewende verhouding met die drie-enige God.
• Emosionele volwassenheid en leiereienskappe.
• Geroepenheid en passie vir jeugbediening.
• Moet goed in spanverband kan saamwerk.
• Lidmaat van die NG Kerk.
• Beskik oor eie vervoer.

Kwalifikasies en ondervinding:

• ’n Tersiêre kwalifikasie in jeugwerk.
• Ondervinding in jeugwerk is ’n aanbeveling.

Diensaanvaarding: 1 Januarie 2019.

Aansoek:

• Stuur u aansoek, asook ’n kort motivering van u aansoek per e-pos aan: kerkkantoor@klipkerk.org.za
• Aansoeke moet ’n kort CV asook drie verwysings insluit.

Sluitingsdatum vir aansoeke: 26 Oktober 2018.

• Aansoekers wat die kortlys haal, sal genooi word vir ’n persoonlike onderhoud.
• Vergoedingspakket is onderhandelbaar.

Navrae:

Enige navrae kan telefonies gerig word aan ds Johan van Zyl, tel: 083 564 1874 of per e-pos aan: kerkkantoor@klipkerk.org.za

Die kerkraad is nie verplig om ’n aanstelling uit die aansoeke te maak nie.