Die kerkraad van NG Virginia wag in afhanklikheid aansoeke in vir die onderstaande pos.

Vakature: Vastetermynpos
Sluitingsdatum: 31 Mei 2021

Gemeenteprofiel:

Virginia is ’n plattelandse dorp in die Vrystaat wat grotendeels bestaan uit ’n myngemeenskap. Die gemeente bestaan uit ongeveer 400 belydende en 100 dooplidmate.

Leraarsprofiel:

’n Gelegitimeerde leraar of proponent van die NG Kerk wat begrip en liefde toon vir ’n plattelandse gemeenskap se unieke behoeftes en omstandighede.

Pligte:

• Soos omskrywe in Artikel 9 van die Kerkorde.
• Oortuig wees van die roeping van die Here om as leraar diensbaar te wees in die gemeente.
• Skrifgetroue Woordverkondiging doen, geheg wees aan die gereformeerde leer en belydenisskrifte van die kerk.
• ’n Hart hê vir die aktiewe bediening met die doel om ’n verskil te maak in ons gemeenskap, gemaklik wees met huisbesoek en persoonlike kontak met lidmate in verskillende lewenstadiums.
• ’n Passie hê vir ons kinders, jeug en jongmense in die gemeente.
• Beskik oor leierseienskappe om die gemeente in alle fasette (erediens, kategese,Bybelstudie, gemeentelike bedieninge, ens) te laat groei en betrokke wees by die organisering van funksies.
• Verkieslik op salariskerf 1 tot 4 wees.

Vergoeding en voordele:

• ’n Vergoedingspakket binne die raamwerk van die sinodale skaal word aangebied.
• Die volledige vergoedingspakket, wat ’n ruim pastorie insluit, sal met die suksesvolle kandidaat onderhandel word.

Aansoeke:

’n Volledige CV met persoonlike besonderhede, onlangse foto, asook die name en kontakbesonderhede van drie referente te stuur aan: ngvirginia@xsinet.co.za
Kandidate mag vir ’n onderhoud en preekbeurt genooi word.

Sluitingsdatum: 31 Mei 2021.

Navrae:

• Rika Haasbroek 082 928 6045.
• Gerda Pienaar 083 627 3953.
• Skriba: Gerda van Zyl 072 384 6471.

Die kerkraad behou die reg voor om nie ’n aanstelling uit die aansoeke te maak nie.