Vakature: Vastetermynpos
20 uur per week (½-dag pos) tot 30 Junie 2022
Sluitingsdatum: 20 Augustus 2021

---

Gemeenteprofiel:

• Kraaifontein-gemeente is ’n multikulturele gemeenskap geleë in die noordelikevoorstede van Kaapstad. Ons ressorteer binne die Ring van Durbanville.
• Die gemeente bestaan uit ongeveer 283 belydende en 30 dooplidmate.
• Die gemeente bestaan grootliks uit afgetrede persone. ’n Aftreeoord is geleëbinne die grense van die gemeente.

Leraarsprofiel:

Gelegitimeerdes van die NG Kerk wat ampspligte sal nakom soos omskryf, met Artikel 9 van die Kerkorde as riglyn:

• Skrifgetroue Woordverkondiging.
• Iemand met ’n gawe vir pastorale versorging (huisbesoeke is belangrik).
• Goeie menseverhoudinge om in ’n multikulturele omgewing die gemeente te kan uitbou.
• Iemand wat maklik kan kommunikeer en buitekerklikes kan laat welkom voel en aanmoedig om deel van die gemeente te wees.
• Samewerking met ander Christelike geloofsgemeenskappe is belangrik.
• Rekenaarvaardigheid sal in die aansoeker se guns tel.
• Gemaklik in die gebruik van multimedia om die prediking en gemeente-aktiwiteite te ondersteun.

Ampspligte:

1. Aanbied van eredienste op Sondae.
2. Pastorale, sieke- en huisbesoeke doen.
3. Die lei van weeklikse kleingroepbyeenkomste.
4. Beskikbaar wees vir begrafnisse en huwelikseremonies.
5. Verdere pligte soos omskryf en ooreengekom met die gemeenteraad.

Vergoeding:

• Ons bied ’n vergoedingspakket van R16 000 (bruto) per maand aan. Pligte en diensure sal dienooreenkomstig proporsioneel onderhandel word.
• Die pakket sluit geen byvoordele in nie.
• Behuisings- en/of reistoelaag onderhandelbaar.

Aansoekprosedure:

• Belangstellendes kan ’n kort CV (nie meer as vier bladsye) per e-pos stuur aan: ngkerkkraaifontein@telkomsa.net
• Die Pre-advies/Gemeenteraad behou die reg voor om self ook inligting aangaande die aansoeker in te win.
• Kandidate wat oorweeg word, kan genooi word vir onderhoud, preekbeurt of om ’n skakel na ’n aanlyn/YouTube preek te verskaf.

Sluitingsdatum: 20 Augustus 2021.

Diensaanvaarding: So spoedig moontlik na die nodige prosesse voltooi is.

Telefoniese navrae:

• Anne-Marie Judeel (Skriba) 021 988 7290.
• Louis Blignaut (Gemeenteraadvoorsitter) 082 552 1372.

Die gemeenteraad behou die reg voor om, sonder opgaaf van redes, geen aanstelling te maak uit die
aansoeke wat ontvang is nie.