Vakature: Voltydse leraar

Sluitingsdatum: 11 Oktober 2022.

Gemeenteprofiel:

Die NG gemeente Petrusburg is geleë 80 km wes van Bloemfontein op die N8-hoofroete na Kimberley. Ons is ’n biddende landbougemeenskap wat streef na vernuwing binne ons gereformeerde leerstellings. Ons leef in afhanklikheid van ons Skepper en bely die Bybel as onfeilbare Woord van God.

Gemeentelike verwagtinge van die leraar:

• Gemeentebou.
• Erediens.
• Huis/Plaasbesoeke.
• Musiekbediening.
• Engo Ons Woning.
• Fondsinsameling.
• Hospitaalbesoeke.
• Jeugaksies.
• Die doop en nagmaal, ons twee sakramente, getrou bedien en in stand hou.

Ons gereformeerde leerstellings en waardes uitleef en onomwonde oordra aan gemeentelede.

Aan die kerkraad uitklaring gee dat hy/sy die belydeniskrifte van die Nederduitse Gereformeerde Kerk ten volle bely en uitleef. Ook bely dat hy/sy Jesus Christus as ons enigste Saligmaker en Verlosser aanvaar. Ons is almal in sonde gebore en slegs deur die bloed van Jesus kan ons sonde vrygespreek word.

Die Bybel as onfeilbare Woord van God bely. Die Bybel is die enigste waarheid en word as direkte woorde van God beskou. Die Bybeltekse is ons
enigste verwysing en nie die lering van die kerk van die dag nie.

Sy/haar siening stel rondom die tradisionele familie van ’n huwelik tussen een man en een vrou. Hy/sy moet ook sy/haar standpunt oor selfdegeslagverhoudings en huwelike bekendmaak en dit moet in lyn wees met die Woord.

Belangstellendes kan hulle CV e-pos na: ngkpetrusburg@gmail.com.

Navrae: Hoofouderling: Danie Jacobs 072 630 8964.

Die kerkraad behou die reg voor om geen aanstelling te maak nie.