VAKATURE: DEELTYDSE POS: SENIORBEDIENING

In biddende afhanklikheid van die Here stel die kerkraad die deeltydse pos aan emeritusleraars, diensleraars en dienswerkers bekend.

Gemeenteprofiel

• Sonstraalgemeente is in Durbanville (Wes-Kaap) geleë. Ons bedien ongeveer 5 000 lidmate, in die volle spektrum van ouderdomme, waarvan ongeveer 700 ouer as 70 is.

• Behalwe vir ons senior lidmate in gewone woonbuurte, bedien ons ook lidmate in twee aftree-oorde (Legato en La Vie est Belle).

• Ons slagspreuk is: Leef om te dien, en ons roepingstelling: By Sonstraal is almal welkom – hier leer ons saam om soos Christus te leef. Ons leef ons roeping uit met die waardes: genade, gasvryheid en gestuurdheid. Ons logo is in die vorm van ’n multidimensionele kruis.

Leraarsprofiel

• Gelegitimeerde emeritusleraar / diensleraar / dienswerker met goeie gesondheid en roeping om die senior lidmate van die gemeente op deeltydse basis te bedien.

• Gawe en passie vir geloofstoerusting en pastorale versorging van senior lidmate.

• Die vermoë om baie goed in ’n span saam te werk.

• Vereenselwig met die gemeente se visie en roepingstelling (soos hierbo uiteengesit).

Taakomskrywing (10 ure per week)

• Drie Bybelstudiegeleenthede per week, onderskeidelik by die twee aftree-oorde en die gemeentesentrum.

• Pastoraat/besoeke op versoek.

• Begrafnisse.

Vergoeding

Basiese vergoeding volgens sinodale skaal (25% pos).

Aansoeke

Belangstellendes moet asseblief die volgende elektronies aan ons voorsien by: kommunikasie@sonstraal.org.za.

• ’n Kort CV.

• Kontakbesonderhede van drie referente.

• ’n Selfoonvideo (nie langer as vyf minute) of geskrewe paragraaf waarin a) jy jouself voorstel en b) jy motiveer waarom jy aansoek doen.

Navrae kan gerig word aan die kerkkantoor by kommunikasie@sonstraal.org.za.

Sluitingsdatum: 28 Desember 2022.

Diensaanvaarding: 1 Februarie 2023.

Die kerkraad behou die reg voor om nie ’n aanstelling te maak nie.