Die kerkraad van die NG Gemeente Stella, stel met verwagting en in biddende afhanklikheid, die volgende pos aan gelegitimeerdes van die Nederduitse Gereformeerde Kerk met volle ampsbevoegdheid bekend.

Gemeenteprofiel:

• Die NG Gemeente Stella is ’n uitgestrekte plattelandse gemeente in die Noordwes-provinsie, wat meestal deur grondpaaie bedien word, en is geleë tussen Vryburg en Mahikeng, op die N18-roete. Die gemeente is deel van die Ring van Mafikeng, en ook deel van die sinode in Noord-Kaapland.
• Die gemeente bestaan uit 395 belydende lidmate (waarvan 165 ouer as 60 jaar is), en 99 dooplidmate. ’n Groot deel van ons lidmate is betrokke by boerdery-aktiwiteite. Binne die gemeentegrense is Huis Louis Aftree-oord waar sowat 50 persone woon en versorg word.
• Hier is ’n goeie hoër- en laerskool wat hoë akademiese standaarde handhaaf, en oor doelmatige sportfasiliteite en koshuise beskik.
• Die gemeente het sewe jaar gelede die inisiatief geneem en ’n vroeëkinderontwikkelingsentrum in die woonbuurt Rekgarathlile gevestig. Tans word 40 kleuters tussen 3 en 5 jaar geskool, versorg en met die evangelie bedien.
• Die NG Gemeente Stella is gesteld op Skrifgetroue prediking, hartlike sang en deelname in die erediens.
• Die gemeente is die afgelope 18 jaar bedien deur die vertrekkende leraar.
• Die gemeente se visie is “Christus In Almal, Vir Almal”.

Leraarsprofiel:

Die gemeente en kerkraad bid vir:

• ’n Leraar wat elke erediens as ’n ware aanbiddingsgeleentheid begelei, terwyl die Woord suiwer verkondig word.
• ’n Leraar wat lidmate sal toerus en bemagtig om deur hulle dienswerk, God se koninkryk in ’n toenemend demografies veranderende omgewing te laat kom, veral deur ’n missionale bedieningsgerigte model.
• ’n Leraar wat die onderskeie ouderdomsgroepe se spesifieke behoeftes verstaan, en hulle pastoraal kan begelei.

Vergoeding:

• Vergoeding: Volgens sinodale aanbeveling, tot en met posvlak 10.
• Behuising: Ruim en goed versorgde pastorie word voorsien.
• Reistoelaag: Daar word volgens sinodale riglyne ’n reistoelaag voorsien.

Aansoeke:

Ons nooi belangstellendes uit om hulle volledige CV na ons te stuur. Ons luister graag na u lewensreis, u roepingsverhaal en u bedieningservarings. Hoe oordeel u, kan u die gemeente dien met u gawes en talente?

E-pos asb jou aansoek aan: ngkstella@lantic.net

Navrae:

Willem Vermaak – leraar – 082 379 1658.

Erika de Villiers – leierouderling – 082 542 8842.

Magriet Loftie-Eaton – leierdiaken – 073 664 4087.

Sluitingsdatum: 31 Augustus 2023.

Diensaanvaarding: 2 Januarie 2024 of soos ooreengekom.

Die gemeente behou die reg voor om geen aanstellings te maak nie.