Leon M Foot van Welkom skryf: Jacobsdal se brief “Gemeente reageer op Algemene Sinode 2023 se besluite” vra vir ‘n verduideliking, want dit waarop hulle so sterk reageer, is nie die waarheid nie.

Hulle “verwerp enige goedkeuring van aborsie”. Na watter besluit verwys hulle? Daar was geen sodanige besluit oor aborsie nie. Net om ekstra seker te maak distansieer hulle hulleself ook oor enige toekomstige besluit van die AS hieroor. Hoe doen jy dit as jy nie weet hoe sodanige besluit sal lui nie?

LEES OOK: Gemeente reageer op Algemene Sinode 2023 se besluite

Hulle verklaar dat geen besluit van die AS op die “kerkraad en gemeente afgedwing” sal word nie. En dan verwys hulle na SGV. Het hulle die 2019 besluit gelees? Dit staan tog pertinent daar dat kerkrade self hieroor kan besluit. Daar is geen sprake van dwang nie. – (Brief verkort – Red).

LEES OOK: Kerkbode-beriggewing oor die Algemene Sinode 

LEES OOK: Besluite van die Algemene Sinode 2023