See, sand, stilte … en natuurlik baie stap: Drie dominees asook die joernalis Erns Grundling en ‘n saamstapper van Kerkbode, Le Roux Schoeman (foto’s), het verlede week net so oor die 100 km afgelê via ‘n verkenningstog van ‘n deel van jongste been van die Pelgrimstog van Hoop se netwerk van roetes.

Van Mosselbaai tot Jongensfontein, het Carel van der Merwe (NG Moedergemeente Worcester) en die ander goed gevorder op hierdie unieke “pelgrimspad” wat toenemend stappers en belangstellendes lok en bekoor.

Lees meer oor hierdie pelgrimsroetes via Kerkbode se vorige stories oor hierdie gewilde inisiatief wat vanuit die NG Kerk gegroei het.

• Nuwe pelgrimsroete: Geloof, hoop en roosterkoek (Julie, 2021)
• Om vir aweregse redes te stap: Pelgrims vind hulle ‘hoekom’ langs die pad + en nuwe roete wink (April 2023)

Van der Merwe is ‘n diensleraar by NG Moedergemeente Worcester. Hy vertel in die videogreep hierbo meer oor sy kronkelpad van die landboubedryf tot op die kansel.