Die Nederduitse Gereformeerde Kerk (NGK) en die Evangeliese Alliansie van Suid-Afrika (TEASA) het ʼn mediaverklaring uitgereik waarin hulle president Jacob Zuma se besluit om Pravin Gordhan, minister van finansies, en sy adjunk, Mcebisi Jonas, terug te roep van ʼn oorsese reis om beleggers in Amerika en Brittanje te werf, skerp veroordeel. Volgens berigte in die […]

Gemeentes, organisasies en individue het Kerk­bo­de se 2016-Kersfonds se spaarvarkie met R220 635,72 gevul. Dit is meer as die 2015 Kers­fonds se R206 805,12. Baie dankie! Die 2016-Kersfonds het op 28 Februarie 2017 ge­sluit. Die opbrengs daarvan beteken dat 42 kinder­huise vanjaar elkeen sowat R5 200 ontvang. Een van die kenmerke van die fonds is

Dr Gustav Claasen, algemene sekretaris van die NG Kerk, het die volgende brief aan leraars geskryf om ʼn paar belangrike sake onder hulle aandag te bring. Beste kollega Lydenstyd is ’n besonderse tyd in die kerklike jaar. Die 46 dae voor Paasfees is vir ons, terwyl ons nadink oor Christus se lyding, ten diepste ’n

Dr Fanie Marais, predikant en kunste­naar in eie reg, word geïnspireer deur ak­tuele kwessies wat mense raak. In 2014 het hy ’n uitstalling na die Marikana-slagting gehou. Nog so ’n aktuele uitstal­ling, getiteld “Instrumente van vrede”, het op 11 Maart om 11:00 by die Breytenbach-galery in Wellington geopen. Dit duur tot 5 April. Dié keer

“Opgewonde.” Dít is die woord wat die naweek keer op keer uit die monde van #imagine-gangers gekom het. Want oud en jonk is opgewonde om te sien wat God besig is om deur #imagine met die jeug te doen. Van 18 tot 20 Maart het sowat 6150 tieners uit ʼn 1000 gemeentes van Suid-Afrika en

Van ’n oop veld tot ’n lewendige skare, van ’n kampterrein tot ’n stad – dit is die toneel wat hom Saterdagmiddag by die #Imagine Experience in die Suide afgespeel het. Soos die jongmense stuk-stuk gearriveer het, het die opwinding ooreenkomstig gegroei.

Dr André Bartlett, hoof van Excelsus, die NG Kerk se sentrum vir bedieningsontwikkeling aan die Universiteit van Pretoria, is een van 10 Verskilma­kers uit die eerste eeu van die Fakulteit Teologie se geskie­denis. Die fakulteit vier vanjaar sy eeufees, en met die afskop van die vieringe is Bartlett en nege ander as Verskilma­kers uitgesonder. Hy

“God wil hê ons moet omgee vir kwesbare mense,” sê Katleho Ncaphe. Hy praat by die Bethesda House of Kindness in Sunnyside, Pretoria, waar mans ondersteun word wat op straat bly. Dit terwyl ’n groep lidmate van die NG gemeente Stellastraat die Saterdagoggend daar is om ’n afdak te bou, groente te plant en met

Gemeentes wat by vroeë kinderontwikkeling betrokke is, kan by die Bybelgenootskap van Suid-Afrika aanklop om materiaal wat kan help om ’n grondslag vir geletterdheid by kinders te lê. Die Bybelgenootskap het onlangs die Zoeloe-vertaling bekend gestel van twee doen-en-leer-boekies wat Bybelse inhoud bevat en kinders op ’n op­voed­kundige manier help om te leer. Daar is

“My genade is vir almal.” Dit is die tema van die Wêreldbiddag vir Vroue wat op 3 Maart vanjaar vir die 87ste keer in Suid-Afrika gehou word. Met die 500-jarige viering van die Kerkhervorming sluit die tema ook goed aan by die Reformasie-slagspreuk Sola gratia (deur gena­de alleen). Die tema en materiaal vir die biddag

Die NG Kerk se Algemene Taakspan Regte (ATR) het met integriteit opgetree in sy hantering van die saak oor verhoudinge tussen mense van dieselfde geslag, het dr Dewyk Ungerer, waarnemende aktuarius en voorsitter van die ATR, aan die Algemene Sinodale Moderamen (ASM) gesê. Dit kom nadat die ATR verskeie kritiese vrae en opmerkings oor sy

Die dagbestuur (of moderatuur) van die Goud­land-sinode se Sinodale Bestuurskom­mis­sie het gekonstitueer op die diepste plek in die wêreld wat ’n mens onder die aarde kan ingaan. Ds Johan Brink, voorsitter van die SBK, vertel hulle het saam besoek afgelê by Mponengmyn buite Fochville. “Onder in hierdie reusegoudmyn het die dagbe­stuur iets belewe van die

Die NG Kerk gaan alle inligting wat hy mag beskikbaar stel, aan die 11 lidmate gee wat daarom gevra het. Die versoek is met die oog op ʼn moontlike hofsaak oor die kerk se besluite oor verhoudinge tussen mense van dieselfde geslag. Dié versekering is herhaaldelik aan die Algemene Sinodale Moderamen (ASM) gegee deur dr

Aswoensdag is op 1 Maart wyd in die NG Kerk gevier. Van die lede van die Algemene Sinodale Moderamen by hul vergadering in Kempton Park, tot by die armes van Bloemfontein wat deur Torings van Hoop bedien word, het askruisies op hul voorkoppe gekry om Lydenstyd mee in te lui. Dr Frederick Marais, assessor van

Die Kommissie vir die Beskerming en Bevordering van die Regte van Kultuur-, Godsdiens- en Taalgemeenskappe het ‘n ondersoek gedoen oor die kommersialisering van godsdienste en voorstelle gemaak oor regulering. Dr Gustav Claassen, algemene sekretaris van die NG Kerk, het namens die kerk met die volgende brief gereageer. COMMENTS ON THE CRL REPORT REGARDING THE COMMERCIALISATION

Bybel-Media-boeke wen vanjaar die eerste keer, sedert die ontstaan van die Cordis Trust-pryse, albei pryse vir Christelike boeke. Ontvang wat vir jou gegee is, ʼn boek wat die unieke gawe van die doop prakties te verduidelik, word vanjaar met die Bybel-Media-Cordis-Trust-prys vir oorspronklike, Afrikaanse Christelike gesinspublikasies bekroon. Die skrywers van die boek is dr Andries

Die NG Kerk gaan binnekort met verskeie ander kerke gesprekke voer oor groter samewerking en groter eenheid. Die Algemene Sinodale Moderamen (ASM) het op sy vergadering in Kempton Park die groen lig daarvoor gegee, nadat die moderatuur gerapporteer het oor die moontlikhede daartoe. Een so ʼn gesprek word einde April tussen die moderature van die

SAT-7, ’n TV-diens wat in Siprus gebaseer is en wat Christelike TV-programme in hulle teikengehore se eie kultuur en tale na verskeie lande in die Midde-Ooste toe uitsaai, open binnekort ’n Suid-Afrikaanse kantoor. Dit staan onder die leiding van ds Francois Botha, vroeër predikant van die NG gemeente Ermelo-Oos, en nou deur dié gemeente uitgestuur

Op 28 Februarie 2017 word Kerkbode se Kersfonds-spaarvark uitgeskud en die geld aan kinderhuise uitgedeel. Die fonds staan tans op R191 529,17 wat ongelukkig minder as laasjaar dié tyd is. Daarom wil ons lesers aanmoedig om tot op 28 Februarie die fonds ’n verdere hupstoot te gee. Sover het 34 individue, 59 gemeentes, 1 trust en 1

Die moderatuur van die Algemene Sinode het vir dr Dewyk Ungerer gevra om waar te neem as aktuarius van die Algemene Sinode. Ungerer staan in vir prof Johan van der Merwe. Van der Merwe sê hy moes in Januarie ’n noodrugoperasie ondergaan, en hy is tans besig met verdere behandeling. Hy hoop om in Maart

Christene wat jaarliks tydens Lydenstyd van iets soos koffie of sjokolade vas, kan gerus vanjaar ’n koolstofvas oorweeg. Dit is die oproep uit verskillende kerklike kringe wat hulle daarvoor beywer dat Christene meer moet om­gee vir die aarde wat God aan mense toevertrou het. ’n Nuusbrief van die Wêreldraad van Kerke berig dat eerw Thomas