’n Groep plattelandse NG lidmate werk nou saam met die breër landbougemeenskap langs die Tuinroete om ’n meerdaagse staproete te vestig. Sal dit ’n pelgrimsroete word? Le Roux Schoeman doen verslag. Met ’n sterk wind van voor en die oggend se roosterkoek net ’n vae herinnering was die rooihoedpelgrims verlig om met hulle onlangse staptog […]

“Ons is almal diep onder die indruk dat ons mekaar baie nodig het en dat ons saam sterker is te midde van hoe fel die uitdagings ookal mag wees,” sê dr Gustav Claassen, algemene sekretaris van die NG Kerk, in ’n kort bemoedigende videoboodskap namens die Algemene Sinode aan lidmate en leiers van die kerk. 

Die NG Kerk het minder mag, minder lidmate én is “gesonder” as toe Neels Jackson dertig jaar gelede kerkvergaderings en sinodesittings as joernalistieke “beat” gekies het, vertel hy aan Le Roux Schoeman in die video-onderhoud hieronder.  Lees ‘n volledige onderhoud met Jackson HIER.  Koop die boek HIER.   

Die groepie mense wat voor die NG kerkgebou op Touwsrivier vir die Kerkbode-span staan en wag, woon al jare op dié Karoodorp. Van een lidmaat wat al so lank as 46 jaar hier woon, en in die einste gebou kom aanbid, tot ’n lidmaat wat op 38-jarige ouderdom geen ander dorp as tuiste ken nie.

In sy jongste boodskap aan Suid-Afrikaners het pres. Cyril Ramaphosa Maandagaand (11 Januarie) onder meer begrafnisse uitgesonder as “superspreader”-geleenthede.    Ramaphosa het gesê vele Covid-verwante sterfgevalle is weens infeksies wat by hierdie geleenthede opgedoen word. “Funerals have become a death trap for many of our people,” het hy gesê in ’n toespraak waarin hy ook

Dit het drupsgewys begin, maar die belangstelling in ’n plaaslike pelgrimstog het binne enkele jare ’n “stroom” van stappers gestuur na die eindpunt: die vuurtoring by Kaap Agulhas aan die suidpunt van Afrika. Só vertel dr Frederick Marais onlangs by die amptelike bekendstelling van die Pelgrimstog van Hoop, wat uit kerkgeledere gegroei het en deur

Die Hoërskool Durbanville se koor het tydens die Covid-19-pandemie besluit dat die grendeltyd hulle nie sal keer om te sing nie. Die koor, sowel as sommige van die skool se oudleerders, het saamgespan en deelgeneem aan ’n virtuele koorprojek waar hulle Psalm 134 opgeneem het. Elke koorlid het hulle deel apart opgeneem en die klank